Posted by: chhepyastra weekly | जनवरी 15, 2012

बद्लियो प्रचण्डको चाल, भट्टराईको बेहाल

सरकार विघटनको संघारमा

काठमाडौ । महत्वकांक्षी योजनाका साथ अगाडि बढेको गठबन्धन सरकार आˆनो योजनामा सफल नभएपछि सर्वत्र आलोच्य बन्दै विघटनको संघारमा पुगेको छ । सानातिना क्षेत्रीय दलहरूको समर्थनमा कमजोर धरातल र खतरनाक सम्झौता गर्दै खडा भएको भट्टराई नेतृत्वको सरकारमा सहभागीहरू यतिबेला भट्टराईलाई जुम्राले मूर्दा छाडे जसरी छाड्दै जान थालेका छन् । प्रधानमन्त्रीको हैसियतमा भट्टराईले शान्ति र संविधान निर्माणको प्रक्रियामा प्रगति गर्न नसकेको, सरकार दिनानुदिन इतिहासकै भ्रष्ट बन्दै गएको भन्दै सरकारलाई साथ दिएका केही दलहरूले साथ छोडिसकेका छन् भने कतिपय दलहरू साथ छाड्ने मानसिकतामा पुगिसकेका छन् । सरकार गठनताका जनतासामु बााडिएका आश्वासनहरू सफल हुन नसकेपछि भट्टराई नेतृत्वको सरकार आफैा लज्जित हुादै राजीनामाको तयारीमा पुगेको बुझिएको छ । आˆनै पार्टीभित्रका सहयात्रीहरूलाई पन्छाउादै एकलौटी ढङ्गले अगाडि बढेका प्रधानमन्त्री भट्टराईलाई पछिल्लो समय उनलाई साथ दिने उनकै मन्त्रिपरिषद्मा सहभागी सहयात्रीहरूले समेत राजीनामा दिन सुझाएको बुझिएको छ । उनीहरूले सरकारमा जति लामो समय बस्यो त्यति नै बेफाइदा हुने भन्दै प्रधानमन्त्री भट्टराईलाई जतिसक्दो चााडो राजीनामा दिन भनेका हुन् । भट्टराई नेतृत्वको सरकार बाहृय कारणले भन्दा पनि आˆनै आन्तरिक कारणले विघटनको संघारमा पुगेको कतिपय विश्लेषकहरूको भनाइ रहेको छ ।
नेपाली कााग्रेसलगायत अन्य प्रतिपक्ष दलहरूले समेत सरकारले शान्ति र संविधान निर्माणको प्रक्रियामा उल्लेख्य एवं सन्तोषजनक काम गर्न नसकेको भन्दै वर्तमान सरकारको विकल्पमा राष्ट्रिय सहमतिको सरकार गठन हुनुपर्ने कुरा जोडतोडले उठाउन थालेका छन् । मधेशी जनअधिकार फोरमसागै नेकपा समाजवादीले समेत सरकारलाई दिएको समर्थन फिर्ता लिएपछि संसद्मा सरकारविरोधी दलहरूको बाहुल्यता बढ्ने सम्भावना प्रबल बन्दै गएको छ । नेपाली कााग्रेसले सरकारको विरुद्ध अविश्वासको प्रस्ताव ल्याउने बताइरहेको बेला सरकारलाई साथ दिएका दलहरू भकाभक बाहिरिन थालेपछि भट्टराई नेतृत्वको सरकार र बालुवाको घर सावित हुन पुगेको छ । जुन कुन बेला ढल्छ, भन्न सकिादैन । कमजोर बन्दै गएको गठबन्धनको नेतृत्व गरिरहेका भट्टराई भने अझै पनि आफूलाई कसैले सरकारबाट हटाउन नसक्ने भन्दै सत्तामोहको उच्चतम् प्रदर्शन गरिरहेका छन् । विपनामा त के कुरा सपनामा समेत राजीनामा दिन नसक्ने बताउने भट्टराईको यो भनाइ कमजोर भन्दै गएको व्यवहारबाट पुष्टि भएको छ । उनलाई साथ दिएका केही विपक्षी दलहरूसमेत उनको पछिल्लो कार्यशैलीबाट आजित बनेका छन् र उनको नियतमाथि आशंका गर्न थालेका छन् ।
आˆनै दल र अन्य सहयात्री दलबाट समेत एक्लादै गएपछि भट्टराई प्रचण्डको कााधमा चढेर पार्टीभित्रका क्रान्तिकारी विचार समूहको मन जित्ने प्रयासमा देखिएका छन् । प्रचण्डलाई साथ दिने माओवादी नेताहरू कम हुादै गएपछि भट्टराई सरकार समक्ष अर्को समस्या खडा हुन पुगेको छ । प्रचण्डलाई साथ दिने नेताहरू औालमा गन्न सकिने अवस्थामा पुगेका छन् । अहिले उनलाई खुलेर साथ दिनेमा अग्नि सापकोटा, हरिबोल गजुरेल र शक्ति बस्नेत रहेका छन् भने अन्य नेताहरू पार्टीको क्रान्तिकारी विचार समूहमा लामबद्ध हुन पुगेपछि भट्टराई सत्तामा टिकिराख्न नसक्ने भएका छन् । हिजो आफैाले साथ छोडेका उपाध्यक्ष वैद्य समूहको साथ र सहयोगबिना अगाडि बढ्न नसकिने निष्कर्षमा ढिलो गरी पुगेका भट्टराई अहिले विस्तारै वास्तविकता बुझ्नेतर्फ गएको जानकारहरूले बताएका छन् । आफू सरकारमा टिकिराख्न र उपाध्यक्ष वैद्य समूहको वैचारिक एवं राजनीतिक अडानलाई स्खलित पार्न मन्त्री, मन्त्रालयको कस्मेटिक हौवा फैलाउन भट्टराई अझै लालायित भएको बुझ्न गाह्रो पर्दैन । सरकार बचाउने सबै विकल्प सकिादै गएपछि भट्टराई अन्ततः आˆनै कमजोरीले टाढिएका सहयात्रीको शरणमा पुगेका हुन् ।
यसैबीच, माओवादी पार्टीको जारी केन्द्रीय समिति बैठकमा विवादित विषय थाती राखेर अन्य निर्णयमा एकमत हुने बताए पनि प्रचण्डले आˆनो दस्तावेजमा त्यस्तो उल्लेख नगरी उही घुमाइ-फिराइ संसदीय व्यवस्थामा जाने बाटो अवलम्बन गरेपछि वैद्य पक्षले यसलाई ठाडै अस्वीकार गरेका छन् । प्रचण्ड पुनः नयाा दस्तावेज तयार पार्ने तयारीमा लागिरहेको बेला उनले वैद्य समूहलाई भट्टराई नेतृत्वकै सरकारमा महत्वपूर्ण मन्त्रालय दिएर सहभागी गराउने असफल प्रयास गरेका छन् । भट्टराई जस्तो राष्ट्रघाती एवं जनघाती कार्य गर्ने व्यक्तिको नेतृत्वमा सरकारमा सहभागी हुुन नसकिने वैद्य समूहका एक नेताले बताएका छन् । यो सरकार विघटनपछि मात्रै अर्को नयाा सरकारमा सहभागी हुन सकिने तर भट्टराई नेतृत्वको सरकारमा कुनै पनि हालतमा सहभागी हुन नसकिने ती नेताले बताएका छन् । वैद्य पक्षको कडा प्रतिक्रियासागै प्रचण्डले भट्टराईलाई साथ छाड्दै वैद्यनिकट हुन थालेको बुझिएको छ । हिजो आफैालाई प्रधानमन्त्री बनाउन लविङ गर्ने सहयात्रीलाई घात गरेर प्रचण्डलाई कााध थाप्न पुगेका डा. भट्टराईलाई प्रचण्डले प्रयोग मात्र गरेको बुझेपछि मर्माहत भएका छन् । आफू कमजोर बन्दै गएपछि प्रचण्डको साथ माग्न पुगेका भट्टराईलाई प्रचण्डले साथ नदिने र प्रधानमन्त्रीबाट राजीनामा गर्नु नै उत्तम हुने भनेपछि क्रुद्ध बन्दै सरकार छाड्ने मानसिकतामा पुगेको बुझिएको छ ।

Advertisements

वर्गहरु

%d bloggers like this: